19 чэрвеня – сотая гадавіна з дня нараджэння Васіля Бы́кава – выдатнага беларускага празаіка і грамадзкага дзеяча, Народнага пісьменніка БССР (1980). Па-за межамі Беларусі Быкаў, бадай, найбольш вядомы беларускі аўтар, яго літаратурныя творы перакладзены на 23 мовы свету.
Васіль Быкаў нарадзіўся 19 чэрвеня 1924 года ў вёсцы Бычкі Ушацкага раёна Віцебскай вобласці ў сялянскай сям'і. Вучыўся на скульптурным аддзяленні Віцебскай мастацкай вучэльні, у школе ФЗУ. У чэрвені 1941 года экстэрнам здаў іспыты за сярэднюю школу.
Быў прызваны ў войска летам 1942 года, восенню 1943 года па заканчэнні Саратаўскай пяхотнай вучэльні яму прысвоена воінскае званне малодшы лейтэнант. Удзельнічаў у баях за вызваленне гарадоў Крывы Рог, Александрыя, Знаменка. Быў паранены ў нагу і жывот (па памылцы быў запісаны як загінулы); – падзеі пасля ранення паслужылі асновай аповесці "Мёртвым не баліць". Тры месяцы знаходзіўся ў шпіталі, затым удзельнічаў у вызваленні Малдавіі і вываду Румыніі з вайны. З дзейным войскам прайшоў па Балгарыі, Венгрыі, Югаславіі, Аўстрыі.
Большасць сваіх твораў Васіль Быкаў пісаў па-беларуску, многія з іх сам перакладаў на рускую. Тэксты твораў на рускай не з'яўляюцца дакладнымі перакладамі, адной з прычын таму быў той факт, што цэнзура скажала рускія версіі ў большай ступені за беларускія арыгіналы.
Быкаў памёр 22 чэрвеня 2003 года (у 62-ю гадавіну пачатку Вялікай Айчыннай вайны) у Бараўлянах, пад Мінскам.
Бібліаграфія
Экранізацыі
Апошні баец (1958)
Жураўліны крык (1959-1960)
Здрада (1961)
Трэцяя ракета (1962)
Альпійская балада (1963-1964)
Пастка (1964)
Мёртвым не баліць (1965)
Сваякі, аповесць (1966)
Праклятая вышыня (1968)
Круглянскі мост (1969)
Ліквідацыя (Сотнікаў) (1970)
Абеліск (1971)
Дажыць да світання (1973)
Воўчая зграя (1974)
Яго батальён (1975)
Пайсці і не вярнуцца (1978)
Знак бяды (1982)
Аблава (1986)
Кар'ер (1986)
У тумане (1987)
На крыжах (1992)
Сцюжа (1993)
На Чорных лядах
Перад канцом
Бедныя людзі
Ружовы туман (1995)
Сцяна (1997)
Ваўчыная яма (1998)
Пахаджане (1999)
Балота (2001)
Эквівалент
Доўгая дарога дадому (2002)
Калі рукаюцца душы (разам з Рыгорам Барадуліным) (2003)
Парадоксы жыцця (2004)
«Трэцяя ракета» (1963)
«Альпійская балада» (1965)
«Ваўчыная зграя» (1975)
«Дажыць да світання» (1975)
«Доўгія вёрсты вайны» (1975)
«Узыходжанне» (1976) (паводле аповесьці «Сотнікаў»)